தெய்வக் குழந்தைகள் இவர்கள், பிறந்தபோது மகிழ்வுற்று
தெரிந்தபோது சோர்வுற்று
புரிந்தபோது மனமுடைந்து
பின் பக்குவப்பட்டு,
இந்த மனப்போராட்டம்
இன்னொரு பெற்றோருக்கு வேண்டாம்,

உரிமையின் உன்னதத்தை உணர
இயலாதோரின்
உரிமைக்காக,
இந்த அமைப்பை
உருவாக்கியிருக்கிறீர்கள் …

சாரதி …
மனப்போராட்டத்திற்கு மருந்தாய்,
எதிர்பார்ப்பே இல்லாத
அன்பை என்றும் பொழியும் இதயமாய்,
நினைத்த இடத்திற்கு
நினைத்த நேரத்திற்கு போக முடியாத
சுழலிலும்
நினைக்க இயலாத நெஞ்சங்களைத் தாங்கும்
சுமைதாங்கியாய் …சாரதி

சார்ந்தோரை ரம்மியமாய் திகழவைக்கும் … சாரதி
வாழ்த்த மாட்டேன், உங்கள் பணியறிவேன்
வணங்குகிறேன், தரைதொட்டு …
தொடரட்டும், சாரதியின் நலப்பணி …

இவண்
முனைவர் இராம.ஆறுமுகநாதன்
பேராசிரியர்
பி.எஸ்.ஜி. பொறியியற் கல்லூரி
கோவை